الشروط دي بتوضح إزاي بنشتغل مع بعض في خدمة تصميم وبناء الـPortfolio. لما تدفع المقدم، ده معناه إنك موافق عليها.
1. الخدمة
خدمة Done-for-You: بنرتب محتواك ونكتبه ونصمم ونبني Portfolio باسمك، حسب الباقة اللي اخترتها. كل باقة ليها عدد مشاريع ولغات وجولات تعديل محدد، وأي حاجة برا كده بتتحسب كإضافة.
2. الدفع
- 50% مقدم عشان نبدأ التنفيذ.
- 50% قبل الإطلاق النهائي أو قبل تسليم النسخة النهائية وربط الدومين.
- الأسعار بالجنيه المصري، والدومين بيتحسب بسعر الشراء الفعلي.
3. مدة التنفيذ
- Launch: من 3 لـ5 أيام عمل. Professional: من 5 لـ7. Portfolio Pro: من 7 لـ10.
- العداد بيبدأ بعد دفع المقدم واستلام المحتوى الأساسي: الأعمال، الصورة، والـVoice Note أو المعلومات الأساسية.
- لو اتأخرت في إرسال المحتوى أو الملاحظات، مدة التسليم بتتحرك بنفس المدة.
4. التعديلات
جولة التعديل يعني كل ملاحظاتك في رسالة واحدة بعد مراجعة النسخة، مش رسالة لكل تعديل صغير على مدار أيام.
- Launch: جولتين. Professional: 3 جولات. Portfolio Pro: حسب الاتفاق.
- أي جولات زيادة أو تغييرات خارج نطاق الباقة بتتسعّر لوحدها.
5. اللي مش داخل في السعر
إلا لو اتفقنا على غير كده: شراء الدومين، الاستضافة المدفوعة، تصميم لوجو أو Branding كامل، التصوير، كتابة CV من الصفر، مشاريع أو تعديلات غير محدودة، إنتاج أعمال وهمية، إدارة السوشيال ميديا، كتابة مقالات، أو أي Features برمجية خاصة زي متجر أو لوحة تحكم.
6. المحتوى
- إنت مسؤول إن عندك حق استخدام الصور والمشاريع اللي بتبعتها وحق عرضها.
- مينفعش تبعت أعمال مش بتاعتك، أو معلومات سرية لعميل من غير إذنه.
7. الملكية والـWhite Label
- الـPortfolio باسمك، ومن غير أي Branding إجباري لينا في الموقع.
- الدومين بيتسجل باسمك لو إنت اللي اشتريته.
- تفاصيل الملكية التقنية وطريقة تسليم الملفات والاستضافة بتتوضح في الاتفاق قبل البدء.
8. الاسترداد
المقدم بيغطي وقت التحليل والتنظيم والكتابة اللي بيبدأ من أول يوم، عشان كده مش بيترد بعد ما نبدأ الشغل. لو لقينا في البداية إن الخدمة مش مناسبة ليك، هنقولك بصراحة قبل ما ندفعك أي حاجة.
9. التواصل
أي سؤال عن الشروط دي: zyad.h.shalaby@gmail.com أو على واتساب.